Ye chubhan akailay pan ki, ye laggan udaas shab say

Ye chubhan akailay pan ki,

ye laggan udaas shab say,

Main hawa say lar raha hoon,

tujhe kia bataon kab say,

Ye saher ki saazishen thien,

k ye inteqaam-e-shab tha,

Mujhe zindagi ka sooraj

na bacha saka ghazab say,

Tere naam say shafaa ho

koi zakham wo ataa kar,

Mera naama bar milay to

usay kehna ye adab say,

Wo jawaan rutoon ki shamein

kahan kho gain hain mohsin,

Main to bujh k reh gaya hon

 wo bicher gaya hai jab say.