Tujh par koi ilzaam jo dhartay bhi to kaisy
Hum ehd-e-muhabbat se mukartay bhi to kaisy
Wo shakhs to yaklakht hi hat jata tha peechhay
hum toot k qadmon main bikhartay bhi to kaisy
hum toot k qadmon main bikhartay bhi to kaisy
Ilzaam ye aata k tujhay bhool gaye thay
Aye dost! Tujhay yaad jo kartay bhi to kaisy
Kia khaak muqaddar se koi hum ko gila ho
Bigron k muqaddar thay, sanwartay bhi to kaisy
Mehroom hi rehtay jo tere radd- e-amal say
Aye jaan! Tere pyaar main martay bhi to kaisy
Jeevan hi guzara tha thapairon main jo hum nay
Hum ab kisi toofaan se dartay bhi to kaisy
Ek paaki-e-damaan pe sada naaz raha tha
Darya-e-muhabbat main utartay bhi to kaisy
Har roz ki zillat bhi gawara to nahi thi
Us raah se hum roz guzartay bhi to kaisy
Jeenay ki saza daiti hay, jeenay nahi daiti
Dunya! Tera tawaan jo bhartay bhi to kaisy
Bach kar na nikal paaye saraab ishq se un kay
Dooba tha samandar main, ubhartay bhi to kaisy.
No comments:
Post a Comment
My Sweet Visitor, Comments are always appreciated. If you have any suggestion to make this website more better then please share your suggestion here......... Keep visiting babarhussain.com