Jis ko aksar socha
tha tanhaai mein
shamil hai woh shakhs meri ruswaai mein
Mujh say mat poocho woh chehra kaisa tha
doob gaya main aankhon ki gehraai mein
Jagtay rehnay ki kitni targhiben thin
us ki bojhal thaki hoi angrdaai mein
Piyar bhi karta hay woh be parwaai say
nadani ka rang bhi hay danaai mein
Woh ek pal ko rootha to mehsoos hoa
jaisay beet gaya ek saal judaai mein
Jao apnay jaisay log talash karo
kia pao gay Mohsin say harjaai mein
No comments:
Post a Comment
My Sweet Visitor, Comments are always appreciated. If you have any suggestion to make this website more better then please share your suggestion here......... Keep visiting babarhussain.com