Sochta Hoon Ke Usay Neend Bhi Aati Hogi
Ya Meri Tarah Faqat Ashk Bahati Hogi
Wo Meri Shakal Mera Naam Bhulanay Wali
Apni Tasveer Se Kia Aankh Milati Hogi ?
Is Zameen Pe Bhi Hay Selaab Meray Ashkon Say
Meray Matam Ki Sada Arsh Helati Hogi
Shaam Hotay Hi Wo Chokhat Pay Jala Kar Shamain
Apni Palkon Pay Kayi Khwaab Sulati Hogi
Us Nay Silwa Bhi Liye Hongay Siya Rang Libaas
Ab Moharram Ki Tarah Eid Manati Hogi
Hoti Hogi Meray Bosay Ki Talab Main Pagal
Jab Bhi Zulfon Main Koi Phool Sajati Hogi
Meray Tareek Zamano Say Nikalnay Wali
Roshni Tujh Ko Meri Yaad Dilati Hogi\
Dil Ki Masoom Ragain Khud Hi Sulagti Hogi
Joon Hi Tasveer Ka Kona Wo Jalati Hogi
Roop Day Kar Mujhay Us Main Kisi Shehzaday Ka
Apnay Bachon Ko Kahani Wo Sunati Hogi
No comments:
Post a Comment
My Sweet Visitor, Comments are always appreciated. If you have any suggestion to make this website more better then please share your suggestion here......... Keep visiting babarhussain.com