Kisi ki khaatir qaraar khona,
koi sune ga to kya kahe ga.
Tumhara raaton ko uth k rona,
koi sune ga to kya kahe ga.
Zamana ehd-e-shabaab ka hai,
naye khuwab-o-khayal ka hai.
Yeh shab'bedaari aur din ka sona,
koi sune ga to kya kahe ga.
Bhanwar mein tum mujh ko chor aatey,
yunhi mohabbat ka raaz rehta.
Laa k saahil pe yun dubona,
koi sune ga to kya kahe ga.
Kaha yeh main ne daro khuda se,
hamare dil ko dukha rahe ho.
Woh hans k bole chup raho na,
koi sune ga to kya kahe ga.
No comments:
Post a Comment
My Sweet Visitor, Comments are always appreciated. If you have any suggestion to make this website more better then please share your suggestion here......... Keep visiting babarhussain.com