Awesome Poetry Collection

Woh Kagaz Ki Kashtiwoh Barish Ka Pani


Ye Daulat Bhi Le Lo Ye Shoharat Bhi Le Lo
Bhale Chhin Lo Mujhase Meri Javani
Magar Mujhako Lauta Do Bachapan Ka Savan
Vo Kagaz Ki Kashti Vo Barish Ka Pani

Muhalle Ki Sabase Nishani Purani
Vo Budhiya Jise Bachche Kahate The Nani
Vo Nani Ki Batoun Mein Pariyoun Ka Dera
Vo Chahare Ki Jhuriryoun Mein Sadiyoun Ka Phera
Bhulae Nahin Bhuul Sakata Hai Koi
Vo Chhoti Si Raten Vo Lambi Kahani

Kadi Dhuup Mein Apane Ghar Se Nikalana
Vo Chidiya Vo Bulabul Vo Titali Pakadana
Vo Gudiya Ki Shadi Mein Ladana Jhagadana
Vo Jhuuloun Se Girana Vo Gir Ke Sambhalana
Vo Pital Ke Chhalloun Ke Pyare Se Tohafe
Vo Tuuti Hui Chuudiyoun Ki Nishani

Kabhi Ret Ke Unche Tiloun Pe Jana
Gharaunde Banana Banake Mitana
Vo Masuum Chahat Ki Tasvir Apani
Vo Kvaboun Khilaunoun Ki Jagir Apani
Na Duniya Ka Gam Tha Na Rishtoun Ke Bandhan
Badi Khuubasuurat Thi Vo Zindagani