Awesome Poetry Collection

Ankhoun Ki Rim Jhim Ka

Suna Hoga Bohat Tum Ne …
Kahin Ankhoun Ki Rim Jhim Ka
Kahin Palkoun Ki Shabnam Ka…
Parha Hoga Bohat Tumne …
Kahin Lehjay Ki Barish Ka
Kahin Sagar Ke Ansoo Ka…
Magar Tum Ne Kabhi Humdam …
Kahin Daikhay? Kahin Parkhay?
Kisi Tehreer Ke Ansoo??…
Mujhe Teri Judai Ne …
Yehi Mairaj Bakhshi Hai…
Ke Main Jo Lafz Likhta Hooun …
Woh Saray Lafz Rotay Hain
Ke Main Jo Harf Bunta Hooun …
Woh Saray Bain Kartay Hain
Mere Sang Is Judai Main …
Mere Alfaz Martay Hain
Sabhi Tareef Kartay Hain …
Meri Tehreer Ki Lekin
Kabhi Koi Nahin Sunta …
Mere Alfaz Ki Siski…
Falak Bhi Jo Hila Dalay
Mere Lafzoun Main Hain Shamil …
Usi Taseer Ke Ansoo…
Kabhi Daikho Mere Humdam…
Meri Tehreer Ke Ansoo