Ta’alluq torna chaho, Tum mujh ko chorna chaho

Ta’alluq torna chaho..
Tum mujh ko chorna chaho..
To meri shart hai itni..

Tumhein jo de chuki houn main..

Mujhay lotaa do woh sab kuch..

Meray woh keemti lamhein..
Jo tujh ko sochtay guzray..

Woh pal jo ik qayamat thay..
Jo tumhara rasta dekhtay guzray..

Khuda ko bhool kar woh din..
Jo tujh ko poojtay guzray..

Kaho lota sako ge tum??

Hayaa ki chandni dy di..
Jiyaa ki ragni dy di..

Laboon ki chaashni dy di..
Hina ki roshni dy di..

Tujhay to zindagi dy di..
Har ik apni khushi dy di..

To phir woh zindagi meri..
Han bolo.. Har khushi meri..

Kaho.. Lotaa sako ge tum??

Agar mumkin ho aisa to..

Ta’alluq tor lena tum..
Bhalay phir chor dena tum..!!