Muhabbat k samandar mein, utarney se zara pehley

Muhabbat k samandar mein,

utarney se zara pehley,
tumhein yeh sochna hoga,

Muhabbat aik sehraa hai,
jahaan paaon barhaaney se,

qadam chup chaap jaltey hain,

Muhabbat aesi dunya hai,

k is main jis taraf jayen,
koi rasta nahin milta,

Muhabbat aankh ka aansu,
yeh palkon per chamakti hai,
Muhabbat aag jesi hai,
yeh seeno'n mein sulagti hai,

Muhabbat phool jesi hai,
judaa ho shaakh se jab yeh,
bikharti toot jati hai,..

Muhabbat ki fizaaon me,
Muhabbat ki hawaaon me,

hamesha dard milta hai,

Muhabbat k samandar me,

utarney se zara pehley,
tumhein yeh sochna hoga,