Main aisi mohabbat krta houn, Tum kaisi mohabbat karti ho

Main aisi mohabbat krta houn

Tum kaisi mohabbat karti ho

Tum jahan peh bayth k jati ho

Main waheen pe betha rehta houn

Us cheez ko choota rehta houn

Main aisi mohabbt krta houn

Tum jis se huns k milti ho

Main us ko dost banata houn

Tum jis rustay par chalti ho

Main us say aata jata houn

Main aisi mohabbat krta houn

Tum kaisi mohabbat karti ho

Tum jin ko daykhti rehti ho

Wo khuwab....sarhanay rakhta houn

Tum say milnay julnay k

Kitnay hi bahanay rakhta houn

Main aisi mohabbat krta houn

Tum kaisi mohabbat karti ho

Tum jahan bhi bayth k jati ho

Jis cheez ko hath lagati ho

Main waheen peh baytha rehta houn

Us jaga ko choota rehta houn

Main aisi mohabbat krta houn

Tum kaisi mohabbat karti ho

Kuch khuwab saja kar aankhoun main

Palkon say moti chunta houn

Koi lums agar choo jaa a to

Main pehroon us ko sochta houn

Main...aisi mohabbat krta houn

Tum kaisi mohabbat karti ho

Jin logon main tum rehti ho

Tum jin say batain karti ho

Tum jin say huns k milti ho

Jo tum ko achay lagtay houn

Wohi mujh ko achy lagtay hain

Main aisi mohabbat krta houn

Tum kaisi mohabbat karti ho

Jis bagh main subh ko jati ho

Jis sabzay par tum chalti ho

Jo shakh tumhain choo jati hay

Jo khushboo...tum ko bhati hay

Wo os tumharay chehray par

Jo qatra qatra girti hai

Wo titli chor k phoolon ko

Jo tum say milnay aati hai

Jo tum ko chounay aati hay

Un sab k nazuk jazbon main

Meray dil ki dharkan basti hai

Miri rooh bhi shamil rehti hai

Tum paas raho ya door raho

Nazron main samai rehti ho

Main tum ko takta rehta houn

Main tum ko sochta rehta houn

Main aisi mohabbat krta houn

Tum kaisi mohabbat karti ho

Jis college main tum parhti ho

Jis class main bhi tum jati ho

Jis kursi peh tum baythti ho

Jab class wo khali hoti hai

Main ja k us main baythta houn

Us kursi ko main choota houn

Gadla sa ik tissue paper

Jo tum nay class main choora tha

Main pyar say us ko choota houn

Main us ko...purse main rakhta houn

Wo copy jis main lecture k tum

Points likhti rehti ho

Her moqay par her manzar main

Main sath tumharay rehta houn

Main chashm-e-tasavvur main aksar

Bus tum ko dekhta rehta houn

Bus tum ko sochta rehta houn

Main aisi mohabbat krta houn

Tum kaisi mohabbat karti ho

………………………………

Tum jab bhi ghar par aatay ho

Aur sab say batain krtay ho

Main aut say parday ki janan

Bus tum ko dekhti rehti houn

Ik tum ko dekhnay ki khatir

Main kitni pagal hoti houn

Main aisi mohabat karti houn

Tum kaisi mohabbat krtay ho

Jab darwazay par dastak ho

Ya ghanti phoune ki bajti ho

Main chor k sab kuch bhagti houn

Aur tum ko jo na paoon to

Ji bhar k ronay lagti houn

Main aisi mohabbat karti houn

Tum kaisi mohabbat krtay ho

Mehfil main kaheen bhi jana ho

Kapron ka selection karna ho

Rang bohat say samnay bikhray houn

Us rang pe dil aa jata hai

Jo rang k tum ko bhata hai

Main aisi mohabbat karti houn

Tum kaisi mohabbat krtay ho

Rozana apnay college main

Kisi aur ka lecture suntay hoay

Ya break k khali ghantay main

Sakhyoon say batain krtay hoay

Meray dhiyan main tum aa jatay ho

Main, main nahin rehti phir janan

Main tum main gum ho jati houn

Bus khuwabon main kho jati houn

Un aankhoun main kho jati houn

Main aisi mohabbat karti houn

Tum kaisi mohabbat krtay ho

Jis chehray par bhi nigha paray

Her chehra tum sa lagta hai

Wo sham ho ya ke dhop samay

Sab kitna bhala sa lagta hai

Janay ye kaisa nasha hai

Garmi ka tapta mosam bhi

Jaray ka maheena lagta hai

Main aisi mohabbat karti houn

Tum kaisi mohabbat krtay ho

Tum jab bhi samnay aatay ho

Main tum say sunn na chahti houn

Kash kabhi tum ye keh do

Tum mujh say mohabbat krtay ho

Tum mujh ko bohat hi chahtay ho

Lekin janay tum kyun chup ho

Yeh soch k dil ghabrata hai

Aisa to nahin hai na jana

Sirf meri nazar ka dhoka ho

Tum nay mujh ko chaha hi na ho

Koi aur hi dil main rehta ho

Main tum say poochna chahti houn

Main tum say kehna chahti houn

Lekin kuch pooch nahin sakti

Mana ke mohabbat hai phir bhi

Lab apnay khol nahin sakti

Main larki houn kaisay keh doon

Main kaisi mohabat karti houn

Main tum say ye kaisay pochoun

Tum kaisi mohabbat krtay ho

Chup chap see main...ho jati houn

Phir dil main apnay kehti houn

Main aisi mohabbat karti houn

Tum kaisi mohabbat krtay ho