Chalo k hum tum nazar ki basti main piyaar apna basa k dekhain

Chalo k hum tum nazar ki basti main piyaar apna basa k dekhain

Zamanay bhar ki kadoratoun ko muhabbatoun se mita k dekhain

Andheri rahon main ban k jugno dikhaaen rasta musafiroun ko

Har eak dil ko karain munawwar nazar nazar jagmaga k dekhain

Chopa hoa hai jo hasratoun main talaash es ki tumhain bhi ho

Gedoroun-e-dil jo aa gaey hain wo sare par de utha k dekhain

Agar muyassar hai chashm-e-bena tu wo nigahoun k saamnay hai

Jo zarray zarray main bas raha hai usay nigahain jhuka k dekhain

Wohi tu hai jo kamaal-e-fan se nizaam-e-duniya chala raha hai

Jo uski hasti ko dekhna ho wajoud-e-hasti main aa k dekain

Sama k soraj ki roushni main mitaaen duniya se teerge ko

Falak ki chadar pe ban k tare har ek shab jhilmila k dekhain

Ghubar-e-dil ko bana k badal zamen pe barsain tu piyaar ban kar

Naye shagoofoun ki aankh ban k chaman chaman muskura k dekhain

Wajood apna ho patharoun main tu naam apna ho laal-o-marjan

Kabhi samandar main ban k moti sadaf k dil main sama k dekhain

Kabhi tu dil se mita k nafrat muhabbatoun ki niyaaz baantain

Diye muhabbat k apny dil main kabhi tu Muzter jala k dekhain