Aey mri ham raqs mujh ko thaam ly

Aey mri ham raqs mujh ko thaam ly !

Zindagi say bhag kar aaya houn main

Dar sar larzan houn, kahin aesa na ho

Raqs geh kay chor darwazay say aakar zindagi

Dhoundh lay mujh ko, nishan pa lay mra

Aur jurm aesh krtay dekh lay

Aey mri ham raqs mujh ko thaam ly !

Raqs ki ye gardishen

Aek mubham aasia kay daor mein

Kaisi sargarmi sy gham ko roondta jata houn main

Jee mein kehta houn keh han

Raqs geh mein zindagi kay jhanknay say paishtar

Kulfaton ka sanriza aek bhi rehnay na payay

Aey mri ham raqs mujh ko thaam ly

Zindagi meray liyay

Aek khouni bherdyay say kam nahin

Aey haseen o ajnabi aurat! Usi kay dar say main

Ho raha houn lamha lamha aur bhi teray qarib

Janta houn too meri jaan bhi nahin

Tujh say milnay ka phir imkan bhi nahin

Too mri un aarzoown ki magar tamseel hay

Jo rahin mujh say gurizan aaj tak

Aey mri ham raqs mujh ko thaam ly !

Ahd e piraan ka main insan nahin

Bandgi say is dar o diwar ki

Ho chuki hen khawahishen be sooz o rang o natawan

Jism say teray lipat sakta to houn

Zindagi par main jhapat sakta to houn

Is liyay ab tham lay

Aey haseen o ajnabi aurat !

Mujhay ab thaam ly…