Aey meri yaadon bhari surmayi shaam

Aey meri yaadon bhari surmayi shaam
jo guzar ho tera us k nagar se to
usy kehna

Ik arsa hoa main soi nahi
pathar ho gei meri aankhain
main ab kabhi roi nahi
koi pal mera aisa guzra nahi k
main teri yaad main khoi nahi

Aey suemeyi shaam usy kehna

Vo bhala kaisy bhula sakta hai
meri qurabat k lamhon ko
barson ki meri chahat ko
be panah muhabbat ko

Aey shaam usy kehna

Main koshaan hoon k zanjeer keron
main us ki muhabbat ko
us k sang beety barson ko
un guzry hoy rait lamhon ko
meri aankhain dehleez per hain muntazir
k tum lout ao

Aey shaam usy kehna

Dheery dheery apni jaan se
guzar rehi hoon main
waqat k samunddar main
shab-o-roz uter rehi hoon main
lamha lamha toot rehi hoon
aur bikhar rehi hoon main
shama hoon pighal rehi hoon
raat hoon dhal rehi hoon main

Aey yaaadon bhari surmeyi shaam
usy kehna ky
is se pehly ky

Aas k sab panchi urh jain
wafa sab purany musam guzar jain
umeed k shajar se sab sabaz patty jhar jain
ajal k sang hum mehv-e-safar ho jain

wo lout aaye
usy kehna k
wo lout aaye