Chalo Kuch Dair Intezar Karain

Chalo Kuch Dair Intezar Karain
Shayad K Us K Dil Say Badgumani Ki Barf Pighal Jayey

Shayad K Us Ki Ana Ka Sooraj Aik Din Dhal Jayey
Shayad K Woh Kuch Hum Say Milnay Ko Machal Jayey

Chalo Kuch Dair Intezar Karain
Ho Sakta Hay Woh Ana Ki Deewar Gira Daley

Ho Sakta Hay Woh Ehad-E-Dosti Nibha Dalay
Hosakta Hay Woh Humain Akhri Bar Bula Daley

Chalo Kuch Dair Intezar Karain
Mumkin Apni Qismat Main Bhi Kamal Ho Jayey

Uska Dil Bhi Hamari Tarah Bey Hal Ho Jayey
Khushioun Ki Arzoo Main Dard Say Nidhal Ho Jayey

Chalo Kuch Dair Intezar Karain
Muqaddar Ki Tareek Ratoun K Janay Ka

Us Bichrhay Dost K Laut Anay Ka
Usko Bhi Khayal Ayey Humain Mananay Ka

Chalo Kuch Dair Intezar Karain
Kuch Dair Or Khud Ko Beyqarar Karain

Chalo Tumharey Liyey Shikast Ka Iqrar Karain
Chalo K Phir Tajdeed-E-Dosti Aik Bar Karain

Chalo Kuch Dair Intezar Karain